妹: (因某話題而產生疑問) 喂,巴黎聖母院有無多仔石之類嘅野呀?
銀: 你估香港咩,鬼佬好似唔興呢味野喎..... (半响後) 一係葡萄牙花地瑪聖母啦,啲人想生仔就點個bb形蠟燭,腳痛就點腳形蠟燭,手痛就點手形蠟燭,乳房形都有呀!
妹: 吓? 點解要乳房形蠟燭呀? 唔通啲人想隆胸?
銀: 咩呀,想隆胸就自己儲錢啦,呢啲野都要求聖母,咁佢咪好唔得閒?!!
**********
兩分鐘後
媽: 你兩姊妹又講咩核突野呀?
銀: (將上文重複一次)
媽: 哦,何止乳房形蠟燭,連大腸同屁股都有添呀!
我想問,究竟邊個核突啲?
